RAYO MERAYO

Sendat doh weh
hadap belako hok mano ado
tok leh lepo, puat... masuk mulut
gerei pasal sebulei tok make siyer
biar sapai tok rok.. emm puat lagi
pah ttinggal hok wajib buat

bejupo sore minto maaf
simbung nga orei ni bersalei
habih anok beranok, sedara, saing
jangok belako, dari selipar pah atah palo
bekecek tok kiro karo, ngumpat pun ado
hok mujurnya, pakat gi sejid

hok selok budok la
banyok duit lebih dari orei besar
galok berunga gi tadoh tangei
penuh poket nga kertas sajo
ado hok guppa, ado kerah molek
karei pakat dok ngiro beli gapo

radio tv geger bangar
hok jenih ado hok keruh ado
macei mecei ado, wie ralit belako
biar ramai dok cokoh ngadap
doh takbir sekat semayei rayo
hok lain boleh bui sekat dei

rayo la kito, mogo hari rayo
berayo la kito weh
jangei dei wie ceroh perot sudoh
 tak leh merayo kito.

wanmohdadnan.oaag
PM0624 hrs.sept 10. 2010.( 1 syawal 1431)
kuantanCopyright © 2010 Wan Mohd Adnan
All Rights Reserved